女星张慧仪早前透露有先天性心脏病嘅15岁养子张晃维（Hanson）要接受高风险心脏大手术，呢日，佢喺社交网宣布手术成功！佢发长文忆述仔仔入院时嘅情况，文中提到：“10月初，Hanson入院进行Fontan心脏手术。犹记得Hanson手术进行时，我真的深深体会到‘如坐针毡、切肤之痛、坐立难安’的感受！由于Hanson的手术比预期中困难，手术后也需要较长的时间苏醒及回复意识。在Hanson苏醒后但意识模糊，连我是谁也不知道的那段时间，我内心的忐忑、惶恐，真的非笔墨能形容！”
佢续指Hanson手术顺利完成，而康复情形亦非常理想，并多谢所有医生、ICU、儿童病房及物理治疗师等医护人员，亦再次感激儿童心脏基金会、远道由马来西亚回港嘅妈妈以及一众朋好友，并承诺会为患有心脏病嘅儿童作出更多贡献。事后，张慧仪接受“Hanson做手术时，发现有好多不规则血管增生，所以手术比预期中困难，期间佢仲做咗3日冷冻人，当时完全要靠佢嘅意志先可以苏醒番，而即使醒咗，佢嘅状态都系迷糊嘅，例如好似睁大眼但冇焦点，呢个情况持续咗十几、二十日，跟住佢就慢慢康复喇！依家进展理想，佢可以落床及自行进食喇，所以我衷心多谢所有嘅医护人员，对Hanson嘅悉心照顾。”她直言打算再停工两星期，以方便照顾仔仔，又感恩谓：“多谢我妈妈专程由马来西亚飞嚟香港帮手，不过佢只可以再留多1星期咋。今次仔仔出咗院算大步槛过，我都已经好感恩。”
扫一扫下载订阅号助手，用手机发文章赞赏